Ish kryetari i bashkisë së Kukësit, Hasan Halilaj deklaroi sot se padia e bërë ndaj tij për abuzime me buxhetin e bashkisë ka prapavijë politike. Sipas tij kjo padi nuk do të ishte bërë nëse ai do të tërhiqej nga një cështje gjyqësore që me deputetin e PD-së, Flamur Noka.
Më është kërkuar të heq dorë nga cështja gjyqësore por unë nuk e kam bërë këtë, tha Halilaj.
Në vijim ai nuk komentoi lidhur me akuzat që ka ngritur ndaj tij kryetari aktual, Bashkim Shehu.
Dje bashkia e Kukësit publikoi kallëzimin e pare, por jo të fundit, penal pranë Prokurorisë së Rrethit Gjyqësor Kukës, ndaj z. Hasan Halilaj, ish-kryetar i Bashkise Kukës,me akuzën “shpërdorim detyre”.
Sipas akuzës:
-Nuk janë zbatuar procedurat e transferimit të klubit të futbollit në shoqëri aksionere, si Vendimi i Këshillit të Ministrave dhe Udhëzimet përkatëse, duke lënë shkas për abuzim dhe shkelje të renda ligjore, me dëm ekonomik ndaj Bashkisë Kukës.
-Janë konstatuar financime të pajustifikuara të bëra nga Bashkia e Kukësit për llogari të Futboll Klub Kukësit sh.a.
-Edhe pse nuk ka në disponim raportet financiare të Futboll Klub Kukesit sh.a, ne kundërshtim me ligjin, Bashkia Kukës ka shpenzuar 37.5 % të të ardhurave të realizuara për vitin 2013 për F.K.Kukes dhe 39 % të të ardhurave të realizuara për vitin 2014.
Hasan Halilaj e ka drejtuar bashkinë e Kukësit për tri mandate si përfaqësues i PD-së. Në zgjedhjet e fundit ai konkuroi si përfaqësues i LSI-së, cafrë nxiti edhe deputetin Ben Blushi të quante fenomenin e ndërrimit të partive nga shumë kandidatë, hasanizim.
