“Deri në vitin 2018-të do t’i kemi të gjitha gjimnazet e vendit me klasa inteligjente”, premtoi kryeministri Edi Rama, dje në ditën e parë të këtij viti shkollor, ndërsa fëmijët e fshatit Shkopet të Kurbinit çdo dite rrezikojnë të përfundojnë në lumë. Për të shkuar në shkolle ata kalojnë lumin me një varkë të improvizuar.
Ky “mjet inteligjent”, për 33 fëmijët e Shkopetit është e vetmja rrugë për të shkuar në shkollë.
Çdo ditë, ashtu siç kane vepruar më parë, bëhen tre katër shokë bashkë, në vajtje dhe për kthimin në shtëpi. Mbi katër fuçitë janë vendosur disa dërrasa që e bëjnë mjetin të lundrueshëm. Por në stinën e dimrit lumi bëhet i rrezikshëm.
Banorët e Shkopetit janë të izoluar prej vitesh. Varka e improvizuar e Fuçive për të kaluar lumin nuk iu shërben të gjithëve. Pavarësisht premtimeve të shumta të pa mbajtura fshatarët e Shkopetit në Kurbin kërkojnë përsëri ndihmë.
Ura e Shkopetit ka ekzistuar vetëm para viteve ‘90, atëkohë kur në anën tjetër të fshatit ndodhej një repart ushtarak. Me largimin e tij, u hoq edhe ura. Fshatarët ndërtuan vetë një të tillë me dërrasa por që u shkatërrua nga rrjedha e fortë e lumit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
