Kryeministri Edi Rama i ftuar në takimin ndërkombëtar “Rrugët e reja të Levantes. Sipërmarrjet e vendeve të jugut e sfida e internacionalizmit”, që u organizua sot gjatë panairit “Fiera del Lavante”, në qytetin e Barit ka bërë një propozim të guximshëm.
Gjatë takimit me presidentin e rajonit të Pulias, Michele Emiliano, Rama ka propozuar një bashkëpunim mes dy vendeve duke shfrytëzuar burimet natyrore të Shqipërisë dhe aftësinë inxhinierike të Italisë, me qëllim sigurimin e furnizimit me ujë për Puglian.
Sipas këtij “premtim të guximshëm”, mësohet se bëhet fjalë për një projekt menaxhimi të përbashkët të rezervave ujore, ku Shqipëria do t’i sigurojë Puglias furnizim me ujë të pijshëm.
Sipas këtij projekti do të ketë një lidhje mes Portit të Barit dhe atij të Durrësit për furnizimin me ujë.
Edi Rama guxon në Itali, premton 24 orë në ditë ujë për Puglian
