Rrjeti britanik BBC i ka kushtuar një shkrim bunkerit që po ndërtohet te Ministria e Brendshme në Tiranë, duke theksuar se ka shqiptarë të shqetësuar nga ndërtimi i kësaj vepre, pasi e lidhin atë me të shkuarën komuniste.
Duke iu referuar mediave në Shqipëri, BBC shkruan se ky bunker është menduar si një objekt që do të tërheqë turistët.
“Ndërtimi mbart një ngjashmëri të habitshme me 700.000 bunkerët rrethore të ndërtuara në të gjithë Shqipërinë gjatë 40 viteve të sundimit të diktatorit Enver Hoxha, të cilët kishin për qëllim mbrojtjen si nga Bashkimi Sovjetik ashtu edhe nga Perëndimi. Kjo ngjarje ka shqetësuar disa njerëz që e konsiderojnë këtë ndërtim të ri si një pasqyrim i rritjes së nostalgjisë për epokën komuniste. Partia Demokratike e opozitës ka organizuar protesta në vendin e ndërtimit, duke bërë thirrje që ndërtimi të ndalet dhe disa protestues janë përpjekur ta shembin objektin vetë”, shkruan BBC.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
