Policia e Shtetit ka publikuar pamje nga operacioni 12-orësh, për kapjen e autorit të vrasjes së komandantit të Forcave të Ndërhyrjes së Shpejtë në Shkodër, Simon Gjeta.
Videoja tregon momentet më të rrezikshme të aksionit policor, ku morën pjesë 250 efektivë policie, 5 autoblinda dhe krerët më të lartë të Policisë së Shtetit.
Siç duket edhe nga videoja, RENEA sulmoi fillimisht banesën e të kërkuarit, Ruzhdi Arishta, me autoblind duke rrëzuar një pjesë të mureve të saj.
Në atë moment, Ruzhdi Arishta hap zjarr ndaj repartit RENEA, ndërsa këta të fundit i kundërpërgjigjen. Gjithashtu në video ka edhe momente të aksionit të djeshëm.
Në video dëgjohen dhe shihet shkëmbimet e zjarrit mes autorit të krimit që tronditi vendin dhe forcave RENEA.
Ruzhdi Arishta, 56 vjeç vrau gjatë aksionit policor ditën e djeshme komandantin e Forcave Speciale të Shkodrës, Simon Gjeta.
Autori i krimit u qëllua vetëm pas 12 orësh operacion nga reparti RENEA dhe humbi jetën në rrugës për në spital.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
