PD: Veto e Cekisë për CEZ, KE jo me dy qëndrime, të sqarojë deklaratën kontradiktore të Kopac

Deputeti i Partisë Demokratike Edmond Spaho ka kërkuar që Komisioni Europian të japë sqarime për një deklaratë të kreut të Komisariatit Europian te Energjisë, Janez Kopac lidhur me çështjen shumë të debatuar në Shqipëri, atë të CEZ. Spaho thekson se deklarata e Kopac bie ndesh me atë të ambasadores ceke në Shqipëri dhe të zëdhënëses së KE, Maja Kocijanic.
“Zedhenesja e Komisionit Europian Maja Kocijanic u shpreh sot se zgjidhja e marreveshjes me CEZ nuk ka qene parakusht per dhenien Shqiperise te statusit te vendit kandidat per antaresim ne BE.
Te njejten gje, por ne menyre te terthorte e shprehu Ambasadorja e Cekise ne Shqiperi Tomasova gjate nje vizite ne Elbasan.
Para disa ditesh kreu i Komisariatit Europian te Energjise Janez Kopac u shpreh gjate prezantimit te raportit vjetor te energjise ne Kuvendin e Shqiperise se dy ore pas nenshkrimit te marreveshjes ne zyren e tij midis Qeverise Shqiptare dhe CEZ, u hoq veto nga Cekia.
Zoteria nuk ja fut kot sepse eshte goxha zyrtar i larte i BE, ishte pjese e negociatave dhe leshoi zyren e tij per te hedhur firmat. Ai flet me terma te prera qe nuk te lene te levizesh, nuk thote pas ca kohesh apo pas ca muajsh, por dy ore pas nenshkrimit te marreveshjes u hoq veto. I di mire ai keto pune.
Kopac ska pse te na lere te hallakatemi ne hamendesime por te na thote se kush ja dha atij kete sihariq, ndonje cek, ndonje brukselas apo ndonje ceko-brukselas.
Keto deklarime jane kontradiktore dhe fshehin te verteta te medha. Komisioni Europian duhet te na sqaroje per deklaraten e zyrtarit te tij te larte Kopac teresisht e kundert me qendrimin zyrtar te BE”, shprehet Edmond Spaho.
Më tej, deputeti i PD, i bën thirrje ministrit të Eneregjitikës, Damian Gjiknuri dhe ministres së Integrimit, Klajda Gjosha të japin shpjegime mbi të vërtetën e CEZ.
“Ministri i Energjise Gjiknuri te cilit i ka humbur vula dhe eshte i vetmi qe nuk ka folur per nje muaj e gjysem sa vazhdon historia e CEZ, madje nuk vjen as ne Parlament, duhet te na sqaroje se si eshte e verteta dhe kush genjen pavaresisht se Gjiknuri eshte vete genjeshtar me damke.
Ministrja e Integrimit Gjosha e Partise se Integrimit duhet te na thote cilin te besojme edhe per faktin qe shefi i saj partiak eshte perfolur ne kete afere”, përfundon Spaho.