Ndodh ajo që ndodhi me Portugalinë, një ndeshje më parë, por edhe ajo që ka ndodhur edhe më herët. Shqipëria ndëshkohet në minutat shtesë. Humbet sot, 0 – 2 me Serbinë.
Pjesa e dytë, ka qenë një fotokopje e asaj të pjesës së parë. Por, minutat e fundit, u ndje lodhja e ekipit tonë, si dhe pakujdesia në mbrojtje, që bëri të ndëshkohemi dy herë, në minutat e pas ’90.
Goli i parë për Serbinë u shënua në minutën e ’91. Ka qenë një kundërsulm i shpejtë i serbëve, topi kaloi për Kolarov, i cili brenda zonës erdhi me shpejtësi nga e majta dhe gjuajti drejt portës duke e dërguar topin në rrjetë.
Dy minuta më pas, sërish me një tjetër kundërsulm, të shpejtë, Ljajiç, i vetëm përballë portierit Berisha, me lehtësi e dërgoi topin në rrjetë.
Ndërsa Shqipërisë i ka mbetur edhe në ndeshje, me Armeninë pas tre ditësh, Shqipërisë i duhet patjetër fitorja, për të prekur për herë të parë, finalet e një Europiani. Këtë ja mundëson edhe humbja e sotme e Danimarkës, e cila u ndal në kuadrin e 12 pikëve, përkundër 11 që ka Shqipëria e vendit të tretë. Por ndërsa Danimarka i ka mbyllur ndeshjet, Shqipëria, me një fitore të mundshme në Armeni, shkon në kuotën e 14 pikëve, duke zënë vendin e dytë në grup.
Përpos rezultatit, ndeshja dhe sjellja e sportdashësve, ishte e qetë, pas konfliktet e mundshme.
SHQIPËRI – SERBI, 0 – 2/ Ndëshkohemi sërish në fund, vështirësohet kualifikimi për në Francë
