Ka nisur proçedimi penal dhe po punohet për kapjen e shtetasit: T.R vjeç 23, banues në Peqin.
Pas kallëzimit të bërë nga katër qytetarë të Malishevës ndaj shtetasit T.R , i cili i do ti shiste 3 bileta me vlerë 150 euro, ndërkohë i ka dhënë vetëm një, i ka premtuar se do ti sillte dhe dy të tjera, por pasi ka marrë 150 eurot është larguar.
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprën penale “Mashtrimi” dhe “Manipulimi i tregut” parashikuar nga nenet 143 dhe 143/a/1 të Kodit Penal.
Po ashtu policia e Elbasanit ka nisur procedimin penal ndaj M.LL, vjeç 52, banues në Peqin. Nga informacionet e marra në rrugë operative dhe gjatë kontrollit të bërë nga efektivat e policisë, gjatë ditës së djeshme, rreth orës 19:20, para Stadiumit “Elbasan Arena”, i janë gjetur 4 bileta sporti me çmim të shtrenjtë me emra të tjerë dhe jo në emrin e tij, të cilat më pas u sekuestruan në cilësinë e provës materiale.
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprën penale “Manipulimi i tregut” parashikuar nga neni 143/a/1 i Kodit Penal.
