Sektori Për Krimet Kompjuterike në Drejtorinë e Policisë së Shtetit në bashkëpunim me Drejtorinë e Policisë së Qarkut Tiranë kanë finalizuar me sukses operacionin “Transaksioni”.
Si rezultat i këtij operacioni u bë kapja dhe ndalimi i shtetasit Italian Stefano Bottura, 43 vjeç, lindur në Firence Itali , i dënuar nga Gjykata e Milanos Itali me 8 vite e 11 muaj burg për Mashtrim.
Ndalimi i këtij shtetasi u bë për veprën penale të “Mashtrimit Kompjuterik”, parashikuar nga neni 143/b i Kodit Penal në funksion të procedimit penal Nr. 7895 te vitit 2015.
Sipas policisë, ky shtetas ka kryer transaksione nëpërmjet POS, në data 03 – 06 Tetor 2015 në vlerën rreth 1 miliard lek në banka të ndryshme në shtete të ndryshme.
Se bashku me këtë shtetas gjatë shoqërimit ishte edhe shtetasi, K. S. 23 vjeç, lindur në Fier e banues me qira në Tiranë. Ndaj këtij shtetasi filloi procedimi penal në gjendje të lirë për veprën penale të “Moskallëzimit të krimit”.
PO ashtu, nën shoqërinë e shtetasit italian ishte edhe shtetasi tjetër, D. P. 47 vjeç, lindur e banues në Lugano Zvicër, i dënuar më parë për trafik droge në Spanjë. Edhe ndaj këtij shtetasi filloi procedimi penal në gjendje të lirë për veprën penale të “Moskallëzimit të krimit”.
Po vazhdon hetimi për dokumentimin e mëtejshëm të veprës penale dhe gjetjen e bashkëpunëtorëve të këtij shtetasi.
Në përfundim të këtij operacioni policor u sekuestruan me cilësinë e provës materiale:
• Një mjet tip fuoristradë Mercedes Benz ML
• Një aparat POS i Raiffaisen Bank
• 1.850.000 lekë (të reja)
• 60 karta bankare të ndryshme në pronësi të ndryshme
• 8 telefona celularë dhe IPod
• 2 kompjuterë portabël
• Bizhuteri të ndryshme floriri etj
• Dokumentacion i ndryshëm në lidhje me transaksione të kryera, fatura, kontrata pune, deklarime tatimore etj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
