Policia italiane ka përfunduar sot operacionin e koduar “July 2014” i koordinuar nga Prokuroria e qytetit të Monzës, i cili ka çuar në shpartallimin e një klani italo-shqiptar me aktivitet në trafikun ndërkombëtar të lëndëve narkotike me lidhje të ngushta me mafian kalabreze Ndrangheta.
Hetimet çuan në identifikimin e një piramide organizuese të aktivitetit të klanit nga baza deri te krerët e lartë drejtues, të cilët administronin trafikun e drogës nga Spanja e Holanda, si dhe mbanin në zotërim ilegal armë apo para të përfituara nga ky aktivitet.
Klani italo-shqiptarë përbëhej kryesisht nga nënshtetas shqiptarë që vepronin në lidhje të ngushta me persona të familjeve të fuqishme të Ndraghetas kalabreze. Ky bashkëpunim kishte një bazë të fortë falë martesave të kryera mes eksponentëve të grupeve. Shpesh ata përdorni fëmijët si mburojë gjatë transportimit të drogës.
Lënda narkotike transportohej në automjete të modifkuara enkas për fshehjen e drogës.
Operacioni “July 2014” çoi në arrestimin e 24 personave, sekuestrimin e mbi 94 kg kokainë, të disa banesave në pronësi të anëtarëve të klanit, të 6 aktiviteteve sipërmarrje të tyre, armë, automjete luksoze e 200 mijë euro cash.
Morën pjesë në këtë operacion rreth 150 forca të rendit me hetime të shtrira në rajonet e Lombardisë, Piemontes e Emilia Romanjës.
Shqiptarët e arrestuar
Zamir Koni
Tomorr Koni
Ervin Alikaj
Sokol Kodra
Ersin GJyleri
Albana Hoxha
Kozeta Bekshiu
Ervis Musaku
Ervin Bufi
Tomor Bekshiu
Adriano Tabaku
Vladimir Cara
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
