Plani për vrasjen e Mimoza Kusari Lilës, dyshime mbi versionin e të riut nga Tropoja

Edhe pse Gramoz Nokshiqi dëshmoi para prokurorëve shqiptarë se do të paguhej 300 mijë euro për vrasjen e kryetares së komunës së Gjakovës Mimoza Kusari Lila, Prokuroria e Krimeve të Rënda nuk ka mundur të gjejë asnjë provë që vërteton versionin e 24-vjeçarit nga fshati Llugaj i Tropojës.
Hetuesit, deri tani nuk kanë administruar asnjë provë tjetër që të mbështesë pretendimet e Nokshiqit, përveç dëshmisë se tij, të dhënë para prokurorit Gent Trenova.
Ai është dërguar në Kosovë dhe ka treguar vendet ku është takuar me biznesmenin Mikel Qupi dhe ndërmjetësin A. Shiqerukaj. Por hetuesit nuk kanë mundur të gjejnë asnjë fakt që provon takimet.
Mungesa e provave e ka bërë të dyshimtë versionin e tij.
Mësohet se 24-vjeçari është i lirë dhe ende nuk i është ofruar mbrojtje nga ana e autoriteteve shqiptare.
Komisioni i mbrojtjes së dëshmitarëve nuk e ka parë të arsyeshme që t’ia ofrojë këtë 24-vjeçarit.
Prokurorët e Krimeve të Rënda te cilët po hetojnë këtë rast në bashkëpunim dhe me palën kosovare janë në fazën ku po kërkohet për të gjetur fakte të reja.
24-vjeçari i ashtuquajtur si vrasës i penduar, do të merret përsëri në pyetje. Gjithashtu akuza shqiptare është në pritje dhe të materialeve nga homologët kosovare.
Në pyetje grupi hetimor ka marrë dhe vëllezërit e vrasësit të penduar, por dëshmitarët e tyre nuk bëhet të ditura.
Sipas Gramoz Noshiqit ai kishte ndërmjetësuar me anë të A. Shiqurekaj më biznesmenin Mikel Qupi, për të cilin thotë se i kishte premtuar 300 mijë euro për vrasjen e Kusari Lilës dhe 60 mijë të tjera për eliminimin e sekretarit të saj. Motivi i këtij krimi ishte një tender i humbur nga biznesmeni në komunës e Gjakovës.

TV “Klan”

/DRONI.al/