Kandidatët për anëtarë të Autoritetit për Informimin në Dokumentet e ish-Sigurimit të Shtetit janë prezantuar sot para Kuvendit, i cili vetëm 5 prej tyre që do tu japë të drejtën për informimin në lidhje me dosjet sekrete të ish-sigurimit.
Kandidatët kanë shpalosur para deputetëve në nënkomisionin e Ligjeve karrierën e tyre dhe kanë argumentuar përse duan të jenë pjesë e këtij procesi të rëndësishëm që pritet të nisë vendi ynë.
Mes tyre ka persona që prej vitesh kanë punuar në Shërbimin Informativ Shtetëror, ish-të dënuar politik e të internuar, ish-zëvendësministra, ushtarakë, juristë e prokurorë. Ka edhe nga ata që evidentojnë fortë faktin se nuk kanë qenë anëtarë partie në asnjë sistem, por edhe nga ata që thonë se edhe pse nuk janë deklaruar kanë qenë anëtar të Partisë Komuniste.
Deputeti Pandeli Majko ka përjashtuar një kandidaturë duke thënë se nuk lejohen punonjësit e favorizuar nga ish-Shërbimi.
Sot u prezantuan 11 kandidatë pasi mungoi Drita Avdyli e cila do të prezantohet të enjten, ndërsa zëvendësministrja Gentiana Sula ishte e para që u zgjodh anëtare në seancën e shkuar të Komisionit të Ligjeve.
Kandidatët për anëtarë të Autoritetit për Informimin në Dokumentet e ish-Sigurimit të Shtetit
Altin Hoxha
Aqif Gjana
Dariet Sina
Daut Gumeni
Drita Avdyli
Durim Grabova
Ermira Shtino
Gentiana Sula
Gjon Fierza
Mariglen Kasmi
Petrit Karabina
Selami Zalla
Simon Miraka
