Foto Ilustruese
Policia e Tiranës ka shoqëruar 22 vajza me kombësi shqiptare, rumune dhe serbe, nën dyshimin se ushtronin prostitucion.
Nga ana e Drejtorisë së Qarkut Tiranë, Njësisë Shqiponja, Komisariatit të Policisë Nr. 2 dhe Nr. 3, gjatë orëve të natës dhe të mëngjesit, janë kryer disa kontrolle në lokale nate, ku kishte informacion për baza prostitucioni, për prishje të rendit publik, si dhe baza ku qarkullonin persona me precedent penal.
Gjatë këtyre kontrolleve janë shoqëruar 22 femra, me shtetësi serbe, rumune dhe shqiptare të cilat dyshohen se ushtronin aktivitetin e prostitucionin, pasi punonin si striptiste në këto lokale. Gjithashtu janë shoqëruar dhe pronarët e këtyre lokaleve, pasi nga kontrollet janë gjetur aktivitete pa leje të lojërave të fatit si dhe tavolina “Teksas”.
