Tranieri i Kombëtares shqiptare të futbollit, Gani De Biasi ka rrëfyer për median italiane “Mondo Futbol” se si e arritën këtë sukses, por ai tregon edhe mardhënien me kryeministrin e shqipërisë Edi Rama. Madje rrëfen nje detaj, që pas humjes më Portugalin dhe Serbin Rama i ka thënë De Biasit se nuk do ti ndjeki më, pasi ai mendon që sjell ters për kombëtare.
“Duke u kthyer nga Armenia, ndërsa po i afroheshim sheshit ku na prisnin duke festuar, në autobus isha ulur pranë Kryeministrit Edi Rama. Nga dritarja shikoja një turmë të jashtëzakonshme, nuk kisha parë kurrë kaq shumë njerëz. U ktheva nga Rama dhe i thashë: “Edi, çfarë kemi bërë?” Sipas meje kjo ishte një sipërmarrje e madhe, sepse gjeneron një shpresë, që shqiptarët e kishin humbur. Ndoshta në Shqipëri njerëzit kuptuan se kjo mundësi ekziston për të gjithë. Ndoshta për këtë e kemi ndryshuar historinë.
Kryeministri Rama është tifozi ynë më i madh dhe fjalët e tij nuk janë ato të një politikani, apo të një oratori të zotë, që lexon atë që i është shkruar. Ai flet nga zemra. Mendoni, pas barazimit me Danimarkën dhe mundjes nga Portugalia e Serbia, më tha se nuk do të na ndiqte më, sepse kishte frikë se mund të na sillte ters.
Në fund ia dolëm dhe unë jam i lumtur që nuk na u dhurua asgjë. Ishim qartësisht më të motivuar se. Sipas meje, këtë e tregojnë rezultatet. Niveli është i mirë. Në përgjithësi jemi përqendruar te mbrojtja. Në sulm kemi bërë përmirësime të mëdha. Tetë golat e shënuar dhe 5 të tjerë të pësuar tregojnë se jemi një skuadër solide, që do të shënojë përmes goditjeve të dënimit dhe atyre të këndit. Tani duhet të shohim efektin që kualifikimi do të ketë te secili lojtar. Shpresoj që në klubet ku luajnë, futbollistët shqiptarë të kenë hapa përpara në këndvështrimin e Europianit,” është shprehur De Biasi.
