Të gjithë bizneset, të cilat kanë në pronësi shtetas shqiptarë, nuk do të regjistrohen më në sportelet e Qendrës Kombëtare të Regjistrimit, por online përmes portalit E-Albania.
Rregullat e reja do të hyjnë në fuqi brenda disa javësh. Drejtorja e QKR-së Vasilika Vjero thotë se këto masa po merren për të eliminuar radhët e gjata të cilat lenë me orë të tëra ne pritje bizneset, por u kursejnë atyre edhe kohë.
Por si do të bëhet regjistrimi online? Çdo sipërmarrës, i cili kërkon këtë shërbim duhet që fillimisht të çojë të dhënat e kartës së identitetit tek kompania që prodhon kartat në mënyrë që të marrë “nënshkrimin elektronik”, më pas aplikimi bëhet direkt në faqen e internetit.
Përveç regjistrimit, edhe raportimi i bilanceve financiare do të kryhet online. Flukset dhe shtimi i kërkesave për regjistrim, krijoi për disa javë rresht radhë të gjata, vetëm në periudhën korrik – shtator u regjistruan 23 550 biznese të reja.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
