Gazetari Andrea Stefani ka postuar sot një reagim lidhur me akuzat e lëshuara ndaj se ka qënë spiun i sigurimit duke konsideruar se akuzat dhe dokumentat kane qene fallsifikim qesharak nga “berishistet”. Në një shënim me titull “Orgji me lirinë e fjalës?!”, ai ndër të tjera shkruan:
“Pas një debati që kam patur në “Opinion”, fanatikë berishiste dhe ca media online kanë përhapur me zell gjuetie shtrigash një shpifje të ulët sikur unë paskan qenë spiun i Sigurimit dhe se paskam bërë një kallëzim që paska patur për pasojë dënimin e një personi. Një e shkuar, që po të ishte e vërtetë në rastin tim, e them në parantezë, do të qe e pa denjë për profesionin e gazetarit. “Dokumentet” që kanë servirur si provë janë falsifikime shume qesharake, një fletë leksioni për drurët pyjorë dhe një tjetër, programi i punës i një gjyqtari nuk e di se për çfarë procesi. Tek kjo letër e fundit, krahas firmës dhe emrit të gjyqtarit në fjalë, është shtuar emri dhe mbiemri Andrea Stefani dhe një firmë që nuk ka të bëjë fare me mua. Këto dy letra janë servirur njëra si gjoja kallëzimi që unë kam bërë (dhe kjo është ajo letra që flet për drurët) dhe tjera është gjoja vendimi që ka dhënë gjyqtari për atë të shkretin që unë e paskam kallëzuar. Skenari është i qartë. Berishistët që, sikundër dihet tashmë, kanë shumë ish spiunë të sigurimit në radhët e tyre, duan të vendosin “detantën” e spiunllëkut duke shpifur për kundërshtarët. Përmbushjen e epshit për të bërë spiunë këdo që urrejnë, duket se ja u lehtëson edhe moshapja e qëllimtë dosjeve të Sigurimit pas edhe më shumë se dy dekadave nga rënia e diktaturës. Por fatkeqësisht, për ta, nuk jetojnë në botën e tyre solipsiste ku realiteti dhe gjakimet që i mundojnë janë një”.
Në vijim Stefani ka publikuar edhe dy dokumenta për të cilat ai akuzohej.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
