Seanca gjyqësore ndaj Mark Frrokut i njohur në Belgjikë si Alias Besnik Morina është shtyrë pa afat, për shkak të mungesës së Frrokut. Autoritetet belge kanë konfirmuar, se seanca e parashikuar për sot në Gjykatën e Nivelles u shty, për shkak të mos-ekstradimit të Frrokut drejt Belgjikes. Avokatja e të akuzuarit, Carine Coquelet ka bërë të ditur për ABC News, se çështja ndaj Frrokut, duket e koklavitur, duke qenë se autoritetet shqiptare nuk e kanë ekstraduar klientin e saj.
“Unë kam qenë në kontakt me avokatët e Mark Frrokut në Shqipëri. Më kanë venë në dijeni, se ai do të gjykohet në Shqipëri edhe për akuzat që rëndojnë mbi të në Belgjikë. Normalisht, një person nuk mund të gjykohet për të njëjtat akuza në dy shtete të ndryshme”, është shprehur avokatja e Mark Frrokut.
Ajo ka shpjeguar më tej për ABC News, se do të interesohet sërish pranë avokatëve te Mark Frrokut në Shqipëri, për të mësuar nëse dosja e klientit te saj, do të mbyllet përfundimisht në Belgjikë për te proceduar në Shqipëri.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
