Në një spektakël turistik Western në Tombstone, Arizona njëri nga aktoret ka plagosur partnerin e tij. Tom Carter ka mbërritur vonë dhe nuk ka pasur kohë që të kontrollojë armen e tij nëse kishte fishekë real apo për lojë që zhvillohet me “cow boys” në këtë qytet historik të Jug-Lindjes në SHBA.
Përpara 1000 turistëve që ishin në vend për të shijuar këtë spektakël kur aktori ka qëlluar, tjetri është rrëzuar në tokë. Ishte plagosur, dhe pas një ndërhyrje kirurgjikale pritet të dalë nga spitali.
Ndërkohë të pranishmit shpjegojnë se edhe një spektatore është plagosur por nuk ka pranuar që të kontrollohet nga mjekët. Ndërsa disa plumba kanë përfunduar në murin e një ndërtese përballë zonës ku po zhvillohet spektakli. Policia thotë se aktori nuk e dinte se si u gjenden në pistoletën e tij fishekë realë në vend të atyre për prova dhe spektakël.
Festa është ndërprerë dhe pritet që të dalin rezultatet e hetimeve për atë që kishte ndodhur dhe nëse do të vazhdojë apo jo me rregullat të reja të sigurisë.
Tombstone është një qytet minierash dhe që ndodhet afër kufirit me Meksikën dhe që mbledh me mijëra të apasionuar ndaj këtyre spektakleve Far West.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
