Takohen pas 65 vitesh dy bashkëshortët e ndarë nga ndarja e Kores. 85 vjeçja LeeSoon Kuy, kishte jetuar me bashkëshortin e saj vetëm 7 muaj dhe më pas lufta e vitit 1950 mes dy Koreve bëri që ata të ndahen.
Ajo jetoi në Korenë Jugore kurse burri i saj, në Korenë Veriore. Takimi i tyre u mundësua pasi shtetet kanë rënë në ujdi që familjarët e ndarë të takohen të paktën për 12 orë, citon NYT.
Gruaja kishte menduar që burri i kishte vdekur në luftë dhe kishte mbajtur zi dhe e vetme rriti djalin e tyre, tani 65 vjeçar.
Vitin e kaluar kur shtetet lejuan që familjarët të takohen, ajo kuptoi që burri i saj ishte gjallë dhe se po kërkonte të takohej me të. LeeSoon Kuy thotë se për 1 vit ka qenë duke e menduar vazhdimisht takimin me bashkëshortin qe kishte 6 dekada pa e parë.
Po kështu edhe djali 65 vjeçar takoi për herë të parë babanë e tij. Ky takim 12 orësh mund të jetë i vetmi për këtë familje të cilët u ndanë përsëri.
Ndërkaq më shumë se 66 mijë qytetarë po presin të takohen me familjarët e tyre të ndarë në dy Koret.
