Policia e Elbasanit po përgatit lirimin e dhëndrit të Qazim Sejdinit, të arrestuar një ditë më parë për armëmbajtje pa leje.
Denoncimin e ka bërë në sallën e Kuvendit, deputeti i PD-së, Helidon Bushati.
Duke denoncuar këtë fakt, ai saktësoi se, “po bëhen përpjekje që të manipulohet ekspertiza e armës që ju gjet dhëndrit të kryebashkiakut të Elbasanit, Qazim Sejdini, duke e nxjerrë atë defektoze, të papërshtatshme për të kryer qitje”.
Dhëndri i kreut të Bashkisë së Elbasanit, Qazim Sejdini, u arrestua një ditë më parë. Ishte vetë policia lokale e cila njoftoi dje ndalimin e bashkëshortit të vajzës së kryebashkiakut Sejdini, Sokol Sanxhaktari, 29 vjeç.
“Gjatë kontrollit të ushtruar, në një lokal në lagjen ‘Luigj Gurakuqi’, iu gjet e iu bllokua në cilësinë e provës materiale, një armë zjarri “Pistoletë”, një krehër me 8 fishekë kalibri 9 mm, si dhe dy telefona celularë”, thuhet në njoftimin e policisë.
Ndalimi i të riut u bë nën akuzën e armëmbajtjes pa leje, ndërkohë policia njoftonte se po vijojën hetimet.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
