41 persona janë shoqëruar mbrëmjen e djeshme në polici dhe 29 prej tyre janë arrestuar në pë rfundim të kontrolleve të ndryshme të ushtruara nga Policia e Tiranës në lokalet e natës. Policia ka vijuar dhe gjatë së shtunës në mbrëmje kontrollet në lokalet e natës, e fokusuar kryesisht në afë rsi të komisariatit numër katër. Në bazë të planit të masave është bërë kontrolli i 10 lokaleve me muzikë live dhe tallava në të cilat është bërë e mundur shoqërimi i 41 personave, dhe arrestimi i tetë personave të tjerë flagrance.
Pas informacioneve të marra në rrugë operative nga Seksioni për Narkotikët, se në njërin prej lokaleve shpërndahej dhe konsumohej lëndë narkotike të llojit kokainë, nga ana e policisë është ushtruar kontroll në ambientet e brendshme dhe të jashtme të tij, nga ku ka rezultuar se në një nga dhomat e këtij lokali që shërbenin për personelin, ku ndodheshin disa shtetas është gjetur dhe sekuestruar në cilësinë e provës materiale një sasi lënde narkotike e dyshuar kokainë.
Gjithashtu nga kontrolli në dy tualete të këtij lokali janë gjetur dy pjata me ngjyrë blu të nxira me blozë nga poshtë ku në siperfaqe ka mbetje të lëndës narkotike e dyshuar kokainë. U sekuestruan gjithashtu 5 telefona celulare.
Në këtë lokal u arrestuan tre bashkëpronarët për veprën penale të “Përshtatjes së ambinteve për përdorim droge” si dhe dy persona të tjerë për veprat penale të “Prodhimit dhe shitjes së lëndëve narkotike”.
Aksioni është bërë dhe në bashkëpunim me inspketorët e mjedisit, të cilët gjobitën tre prej lokalve për mos pajisje me leje mjedisore për ushtrimin e aktivitetit.
