Prokuroria e Përgjithshme ka caktuar një eksperte kontabël për të bërë ekspertizën e pasurisë së Mark Frrokut e cila arrin deri në 10 milionë euro.
Financierja Greda Drangu do të bëjë kontrollin dhe konformitetin me ligjin për asetet, të ardhurat, titujt e të drejtave reale dhe çdo të dhënë ekonomike financiar ndaj shtetasit Mark Frroku dhe të afërmëve të tij.
Ekspertja do të ndihmojë prokurorinë të përcaktojë nëse Mark Frroku justifikon pasurinë e ngritur nga të ardhurat para dhe pas mandatit të deputetit të marr në Pukë.
Avokatët e Mark Frrokut e kanë kundërshtuar këtë eksperte, pasi rezulton që në vitin 2011 është emëruar si inspektore e lartë pranë ILDKP-së ku kryeprokurori Llalla drejtonte atë institucion. Vet deputeti Frroku ka pretenduar se kryeprokurori Llalla ka kaluar në çështje personale hëtimin e tij duke e akuzuar se edhe prokurori që heton Frrokun ka një lidhje me Prokurorin e Përgjithshëm.
Mark Frroku është paditur nga ILDKP para pak muajsh. Sipas këtij institucioni ai nuk justifikon pasurinë e deklaruar për shkak të detyrimit ligjor si deputet.
