Fati përfundimtar i 35 kompanive që kanë peshën më të madhe të kredive të këqija në Shqipëri do të vendoset brenda dhjetorit, sipas topchannel.
Plani, i bashkëfirmosur nga autoritetet më të larta të vendit, përkatësisht kryeministri Edi Rama dhe guvernatori Gent Sejko, parashikon 12 masa, por ajo më e rëndësishmja është trajtimi i borxhlinjve më problematikë të vendit.
Sipas dokumentit, Banka e Shqipërisë në bashkëpunim me Shoqatën e Bankave dhe asistencën e Bankës Botërore do të përcaktojë brenda muajit dhjetor se sa nga 35 kompanitë do të shkojnë për ekzekutim, sa do çohen në falimentim dhe cilat do të ristrukturohen.
Disa nga kompanitë e mëdha në faliment por që kanë detyrime të larta ndaj bankave sipas
oda janë si më poshtë:
Pas këtij përcaktimi, brenda dhjetorit të vitit të ardhshëm i gjithë plani duhet të jetë ekzekutuar. Të dhënat zyrtare tregojnë se 35 kompanitë në fjalë, emrat e të cilave nuk bëhen publike, kanë mbi 52 për qind të totalit të kredive me probleme.
E shprehur në vlerë, kjo do të thotë se këto kompani ose grupe tregtare kanë në total rreth 65 miliardë lekë ose 550 milionë dollarë kredi të këqija, duke u shndërruar në burimin kryesor të pasigurive në sistemin financiar dhe ekonominë kombëtare.
Ndërsa 80 kompani zotërojnë mbi 80 për qind të totalit të kredive të pakthyera.
Në total, kredia me probleme është rreth 1 miliard euro.
Megjithatë, edhe pse është një nga pikat më të rëndësishme ajo e trajtimit të borxhlinjve më problematikë, nuk është e vetmja. Veç kësaj autoritetet parashikojnë edhe 11 masa të tjera të detajuara nga amendimet në Kodin e Procedurës Civile, deri në ndryshimin e procedurave të përmbarimit, për t’i bërë ato efikase, lajmëron topchannel
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
