Nga ana e Seksionit për Krimin Ekonomik e Financiar në Drejtorinë e Policisë Vendore Tiranë në kuadër të Operacionit Policor të koduar “Të kamufluarit” është bërë arrestimi në flagrancë i shtetasve, Agron Tice, Miranda Tice dhe Ismail Xhengo.
Burime zyrtare të policisë së Tiranës, sqaruan se arrestimi i tyre u bë pasi, specialistët e Seksionit për Krimin Ekonomik në Drejtorinë e Policisë Tiranë kishin marrë informacion në rrugë operative , për veprimtarinë e kundërligjshme në fushën e kontrabandës së cigareve të kryer nga shtetasit Agron dhe Miranda Tice të cilët kamuflonin veprimtarinë e tyre të kundërligjshme duke shitur produkte të ndryshme industriale në një dyqan të ndodhur në zonën e Tregut të Shkollës Teknologjike Tiranë.
Mbi bazën e këtyre informacioneve nga ana e Policisë është organizuar puna ku është finalizuar me sukses operacioni i koduar “Të Kamufluarit”, ku si rezultat i këtij operacioni shtetasit e mësipërm janë kapur në flagrancë në një banesë private në pronësi të shtetasit Ismail Xhengo në zonën e Fushës së Aviacionit Tiranë në të cilën kishin improvizuar një depo në të cilën mbanin cigaret kontrabandë.
Nga kontrolli i kësaj depoje nga ana jonë janë gjetur dhe sekuestruar në cilësinë e provës materiale 9.950 paketa cigaresh kontrabande.
Gjithashtu në cilësinë e provës materiale u sekuestrua edhe një automjet i markës “Mercedes Benz” me targë AA 061 BS.
Materialet i kaluan Prokurorisë së Rrethit Gjyqësor Tiranë për veprat penale të, “Tregtimit dhe transportimit të mallrave kontrabandë”, “Ruajtja dhe depozitimi i mallrave kontrabandë”dhe “Fshehjes te të ardhurave” të parashikuara nga nenet 178,179 dhe180 të Kodit Penal, në ngarkim të shtetasve AgronTice, MirandaTice dhe Ismail Xhengo.
Të arrestuarit
1. Agron Tice, 57 vjeç, lindur në Përmet, banues në Tiranë
2. Miranda Tice, 46 vjeç, lindur në Këlcyrë dhe banues në Tiranë (bashkëshortja e shtetasi Agron Tice)
3. Ismail Xhengo, 49 vjeç, lindur në Korçë, banues në Tiranë
Sekuestruar
9.950 paketa cigaresh kontrabande.
Një “Mercedes Benz” me targë AA 061 BS.
