Itali, shkatërrohet rrjeti i trafikut të drogës Shqipëri-Itali, 21 arrestime

Shpërbëhet një tjetër bandë e trafikut të drogës Shqipëri-Itali. Mediat italiane shkruajnë sot duke cituar burime të Policisë vendase se 20 persona janë vënë në prangat e karabinierëve, ndërsa kërkimet po vazhdojnë për pjesëtarët e tjerë të këtij rrjeti trafikantësh.
Operacioni blic i Policisë Financiare të Venedikut ka përfunduar në orët e para të mëngjesit të kësaj të mërkure.
Në këtë operacion është konfiskuar një sasi e konsiderueshme narkotikësh dhe u zbulua ku ishte rafineria e drogës. Janë konfiskuar asete me vlerë 10 milionë Euro, rreth 1000 kg drogë dhe dy rafineri në provincën e Verona dhe Trento.
Sipas mediave italiane, kërkimet, janë gjithashtu duke u zhvilluar edhe në Shqipëri në bashkëpunim me policinë shqiptare. Bastisje u kryen në Shqipëri dhe në Veneto, Trentino Alto Adige, Emilia Romagna dhe Umbria, raporton “Rainews”.
Organizata e trafikut të drogës ishte e strukturuar mirë deri në “qelizat” e saj, siç janë grupet terroriste shkruajnë mediat dhe kishte rafinuar një rrjet kompleks për komunikimin e brendshëm.
Hetimi ka zbuluar se trafikantët përdornin një makinë elektro-mekanike për të shifruar dhe deshifruar mesazhet e dizajnuara për një organizatë kriminale aktive të dedikuar për trafikimin e drogës midis Shqipërisë dhe Italisë. Janë lëshuar 21 urdhër arreste.
Sipas mediave, kodet e përgjimeve të policisë ndryshonin çdo javë, por emri i dhënë operacionit, “Enigma”, u bë nga makina e famshme e deshifrimit të të mesazheve që përdorte grupi kriminal si nazistët në Luftën e Dytë Botërore. Hetimet e Guardia di Finanza janë drejtuar nga prokurori i Republikës së Venedikut – DDA dhe kryhen në bashkëpunim të ngushtë me autoritetet gjyqësore dhe policisë shqiptare, i koordinuar nga Drejtoria Qendrore për shërbimet e antidrogës dhe Shërbimit për Bashkëpunim Ndërkombëtar i Ministrisë së Brendshme.

/DRONI.al/