Uniformat e Ndërmarrjes së Gjelbërimit të Tiranës demonstrojnë analfabetizëm.
Këtë fakt e promovon vetë kryebashkiaku Erion Veliaj, nëpërmjet fotove të cilat janë shpërndarë prej tij në rrjetet sociale.
Sikurse shihet, firma që ka fituar tenderin e stampimit të shkrimit në veshjet e institucioneve publike, ndoshta ka nevojë për një kurs drejtshkrimi të gjuhës shqipe të punonjësve të saj.
Siç shihet në uniformat e tyre, fjalët janë të shkruara gabim. Ata kanë shkruar “gjeblërim” në vend të “gjelbërim” si dhe “Tiran” pa një “ë” në fund. Ndërkohë, megjithëse janë përdorur germa kapitale, “I” së madhe të shtypit i kanë shtuar një pikë sipër…
Përballë këtij ekspozimi “në gojën e ujkut” prej Erion Veliajt, punëtorët e Ndërmarrjes së Gjelbërimit të Tiranës janë me fat, që ende uniformat e tyre me shqipen e masakruar në shpinë, nuk i kanë vërejtur Artan Lame e Artan Shkreli, apo edhe Ledi Shamku, se po të ndodhte kjo, e sigurt që do ndodhte edhe tjetra… Punëtorët do të ishin zhveshur prej tyre, në mënyrë demonstrative, në mes të rrugës…
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
