Mbrëmjen e së martës, disa persona ende të paidentifikuar kanë qëlluar me breshëri kallashnikovi në drejtim të një lokali në katin e pare të një banese trekatëshe në qytetin e Shkodrës.
Ngjarja ka ndodhur rreth orës 20:15 në lagjen “Vekshar”, në lokalin e shtetasit Anton Logut.
Nga breshëria e kallashnikovit mësohet se nuk ka pasur të lënduar por vetëm dëme materiale.
Policia e cila mbërriti në vendngjarje, nisi hetimet ku mori në pyetje personat që ndodheshin në lokal, pasi dyshohet se shënjestra ishte aty.
Sipas grupit hetimor dyshohet se njëri prej pjesëtarëve të familjes Logu të ketë pasur një konflikt me disa persona gjatë orëve të pasdites, ndërsa dyshohet se ata kanë shkuar pranë lokalit dhe kanë qëlluar me breshëri kallashnikovi.
Të ndihmuar nga errësira autorët janë larguar nga vendngjarja. Si prove materiale janë gjetur gëzhojat e plumbave, ndërsa vijojnë hetimet për zbardhjen e plotë të kësaj ngjarjeje.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
