Shwan Abubaker dhe Altin Nase
Dy kilogramë kokainë dhe qindra e mijëra paund kesh janë gjetur në sirtarët e dollapi në një banesë në lindje të Londrës. Pas një hetimi disamujor, “National Crime Agency” sekuestroi në shtëpinë e shqiptarit, 300 mijë sterlina, që i mbante në dollapin e rrobave.
Altin Nase, 41 vjeç, fillimisht u ndalua teksa udhëtonte me makinën e tij, pasi policia dyshoi se transportonte drogë. Por oficerët e NCA-së gjetën një çantë sportive me 269 mijë sterlina.
Makina drejtohej nga bashkëpunëtori i Altin Nases, një shtetas algjerian i quajtur Shwan Abubaker.
Edhe këtij të fundit, gjatë kontrollit të banesës iu gjetën 2.000 sterlina, si dhe dy kg kokainë me vlerë shitjeje në treg prej 440 mijë sterlinash.
Sipas policisë londineze, si pasojë e këtij investigimi u sekuestruan 626 mijë sterlina. Nase dhe Abubaker pranuan akuzat në gjykatën “Blackfriars Crown Court”. Ata u dënuan me 9 vite e 8 muaj burg gjithsej.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
