Një shqiptar tjetër mësohet se është vrarë në luftimet në Siri.
Burime nga policia thanë se ai është 27 vjeçari Mariglen Dervishllari nga fshati Rëmenj i Pogradecit.
Lajmi është konfirmuar nga burimet zyrtare të policisë së shtetit dhe Shërbimit Informativ Shtetërore, të cilët kanë mësuar për vrasjen e tij, por nuk japin detaje për kohën dhe vendin e vrasjes, sipas abcneës. Burimet thonë se Dervishllari është larguar nga Shqipëria më 24 tetor të vitit 2014 nga aeroporti I Rinasit me destinacion Turqinë dhe më pas në Siri.
Ndërkohë, në dosjen që prokuroria për krime të rënda disponon, thuhet se Dervishllari udhëtimin e parë drejt Sirisë e ka bërë më 28 janar 2013 së bashku me shtetasin Besmir Cake dhe dy shokët tashmë të vrarë Hamit Muslija dhe Bledian Hamzai.
Gjatë udhëtimit të parë në Siri, mësohet se Dervishllari është plagosur çka e ka detyruar të kthehet në Shqipëri me 12 maj të 2013 nëpërmjet pikë kalimit kufitarë të Qafë Thanës së bashku me disa shtetas nga Kosova. Pas mjekimit, Dervishllari është larguar përsëri drejt Sirisë ku tashmë policia e shtetit thotë se ka gjetur vdekjen. Sipas policisë, zyrtarisht numri I viktimave shqiptar të vrarë në Siri ka shkuar në 14 persona.
Ndërkohë në kuadër të rritjes së masave të sigurisë pas ngjarjeve të ndodhur në Parisë, policia ka ndaluar hyrjen në Shqipëri të tre shtetasve të huaj. Në mesin e personave të ndaluar për të hyrë në Shqipëri, thuhet se kanë qenë dy shtetas arab dhe një tjetër nga Kosova, emrat e të cilëve rezultojnë në listën e përpiluar nga SHISH.
Ndërsa policia e shtetit dhe agjentët e SHISH kanë përforcuar mbikëqyrjen e personave të kthyer nga Siria të cilët jetojnë dhe banojnë në zonën e Elbasanit, Librazhdit dhe Pogradecit. Pasi për agjentët përbëjnë rrëzikshmëri shoqërore për shkak të prirjeve të tyre radikale, sipas abc news.
