Votimet për kreun e FRPD në Krujë favorizuan sot Ervin Salianjin. Ai doli i pari në votime duke u rikthyer në fitore pas dy humbjeve që pësoi në Shkodër dhe Berat.
Nga ditë në ditë gara e të rinjve demokratë po bëhet gjithnjë e më tërheqëse jo vetëm për stilin e saj të lirë por edhe për mekanizmat e politikës së të rinjve që po luhen përgjatë garës.
Të paktën qe kur tre konkurentë lanë garën, ndeshja është bërë më e fortë.
Ervin Salianji sulmohet prej disa grupeve afër PD se është prurje e UET të Henri Cilit, i cili sipas tyre po flirton me Ramën dhe të majtët në pushtet.
Ndërkohë ndaj Belind Këllicit është lëshuar një foto me familjarët e nuses së tij që janë figura të njohura të së majtës socialiste.
Deri tani nuk ka pasur ndonjë atakim direkt ndaj konkurentes tjetër Oriela Nebiaj.
Por si në garat e tjera edhe në këtë garë ka pakënaqësi bile edhe prej vetë fituesit. Ja postimi i Salianjit pas numërimit të votave:
“Te rinjte demokrate te Fushe-Krujes dhe Krujes, me dhane sot nje mbeshtetje te paharrueshme. Gara e Krujes, ishte me emocionet me te forta, sepse disa here, u mundua te hiqej nga duart e te rinjve e te kalohej te tentakulat e nje grupi te vogel, qe ende nuk kupton as pranon qe kjo gare u be e tille, pikerisht per te zhdukur filozofine e garave te marra peng me influenca. Kruja me percjell drejt Korces, zones sime, me mirenjohje per besimin qe me dhane”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
