Një tjetër shqiptar është vrarë në Itali nga pronari i shtëpisë ku hyri për të grabitur.
Mediat italiane raportojnë se shqiptari i vrarë nga biznesmeni i bizhuterive në Milano, është identifikuar si 37vjecari Valentin Frrokaj, ndërkohë që janë në kërkim dy bashkëpunëtorët e tjerë të tij.
Prokurori i Milanos Alberto Nobili mësohet të ketë deklaruar se pronari i vilës ka qëlluar për vetëmbrojtje.
Ngjarja
Ne vilën dykatëshe në afërsi të Milanos, pronë e italianit Rodolfo Corazzo, një biznesmen që merrej me shitjen e bizhuterive kanë hyrë tre persona. Në kohën e tentativës për grabitje, në banese kanë qenë babai, mamaja dhe vajza 10-vjeçare e çiftit.
Ata kanë thënë se dëgjuan zhurma të dyshimta dhe pas kësaj i zoti i shtëpisë ka shtënë me pistoletë në ajër,që thuhet se e kishte me leje.
Por në këtë kohë grabitësit janë përgjigjur me zjarr, duke qëlluar edhe ata me armë.
Sipas dëshmisë së pronarit, grabitësit e pritën atë jashtë shtëpisë dhe e tërhoqën zvarrë brenda saj. Më pas nisi përleshja me armë.
Avokati
“Ishin me maska, flisnin italisht me theks të çuditshëm dhe dhunuan klientin tim”, ka thënë avokati mbrojtës i pronarit të shtëpisë.
Sipas tij, pronari u mundua të bashkëpunonte dhe kërkoi të mos i preknin familjen.
“Pastaj qëlloi në ajër dhe më pas njërit nga grabitësit dhe e bëri për vetëmbrojtje”, tha ai.
Arratisja
Valentin Frrokaj, më herët ka qenë i burgosur prej nga më se një vit më parë u arratis nga burgu në 7 maj të vitit të shkuar nga burgu në “Pagliarelli” të Palermos, ku vuante dënim, për vrasjen e një bashkatdhetari të tij.
“Frrokaj ishte në kërkim nga policia, pasi u arratis një vit më parë nga burgu ku vuante dënimin për vrasjen e një shqiptari, në 23 korrik 2007 në Brescia. 37-vjeçari kishte ikur më 2 shkurt 2013 nga burgu në Parma (së bashku me një tjetër të burgosur shqiptar), por u kap më 14 gusht të vitit pasardhës nga policia në Cassano d`Adda”, raportojnë mediat italiane.
Për më shumë, mund të lexoni dhe ndiqni videon …
VIDEO/Valentin Frrokaj, ja si u arratis nga burg në Sicili
/web/VIDEO_Valentin_Frrokaj_ja_si_u_arratis_nga_burg_ne_Sicili_3095_1.php
