Prokuroria për Krime të Rënda kërkon sekuestrimin e dy njësive tregtare me sipërfaqe 110 m2, si edhe 1000 m2 tokë arë në qytetin e Elbasanit, në pronësi të shtetasit Pali Dedja, babai i shtetasve Ferdinand dhe Ilir Dedja, të shpallur fajtorë nga autoritetet italiane për veprat penale të “Shfrytëzimit të prostitucionit”.
Prokuroria për Krime të Rënda zhvilloi hetime në kuadër të ligjit “Antimafia”. Në bazë të veprimeve proceduriale, rezultoi se, në emër të shtetasit Pali Dedja, rezultonin të regjistruara pasuritë e sipërpërmendura, për të cilat ka dyshime të arsyeshme se janë krijuar prej të ardhurave të përfituara nga aktiviteti kriminal në Itali i djemve të tij, për të cilët kanë marrë dënimin secili me nga 25 vjet burgim.
Dënohen dy djemtë në Itali, i sekuestrohen 1100 m2 pasuri babait në Shqipëri
