Policia e Korçës
Një ngjarje e rëndë është regjistruar mbrëmjen e sotme në fshatin Pojan të rrethit të Korçës. Babai ka qëlluar me armë zjarri të birin 15-vjeçar, duke e plagosur në këmbë.
Ngjarja ka ndodhur rreth orës 21:00, kur babai, i identifikuar si Romeo Nako nën efektin e alkoolit kur ka qëlluar me armë zjarri mbi të birin, duke e plagosur atë. Pas ngjarjes, djali i identifikuar si P. Nako, është dërguar me urgjencë në spital, ku mësohet se është në gjendje të rëndë.
Nga ana e policisë lokale, vetëm pak minuta pas krimit, është vënë nën pranga autorin, Romeo Nako si dhe ka sekuestruar armën e krimit.
Ende nuk janë zbardhur rrethanat krimit, ndërsa dyshohet se shkak për ngjarjen është bërë një grindje e çastit babë e bir, që ka çuar në nxehjen e gjakrave dhe ka sjellë krimin.
