Prej më shumë se tre javësh, tendencat në kursin e këmbimit valutor në Shqipëri, por edhe në tregjet evropiane, flasin për një forcim të monedhës amerikane dhe dobësim të euros.
Ulja e interesit për euron në nivelin -0.3% për depozitat nga Banka Qendrore Evropiane, por dhe pritshmëritë për rritjen e vlerës së dollarit nga Rezerva Federale gjatë dhjetë ditëve të ardhshme, do të barazojnë dollarin me euron edhe në tregun shqiptar.
Një tjetër fenomen që po ndodh në Shqipëri është edhe fakti që bankat nuk po pranojnë më depozita në euro. Interesi nw euro pwr qytetarwt jo vetëm është i ulët, por edhe vetë bankat nuk kanë interes investimet në këtë monedhë. Ato gjithnjë e më shumë po pëlqejnë dollarin, thekson vizionplus.
Ekspertët thonë se dobësimi i monedhës evropiane në tregun e brendshëm, përveç tregjeve ndërkombëtare është ndikuar edhe nga rënia e eksporteve dhe importeve në Shqipëri, duke qenë se një pjesë të mirë ta mallrave i blemë në vendet e BE-së.
Efektet e kursit të këmbimit, nëse euro vijon të dobësohet, do të bien mbi bizneset që kanë marrë një kredi në euro dhe duhet t’i kompensojnë bankës këtë ndryshim, ndërsa lajmi i mirë do të jetë për ata që paguajnë kredinë në euro, por të ardhurat i kanë në lek.
