Një 34-vjeçar është arrestuar nga policia pasi në gjendje të dehur ka qëlluar në drejtim të një lokali në Lezhë.
Burime zyrtare të policisë bëjnë me dije se Aleks Margjoni nga Zejmeni, në gjendje të dehur ka debatuar me pronarin e lokalit, e më pas ka qëlluar me armë gjahu në drejtim të ndërtesës. I riu theu xhamat e lokalit të P. D, por pa rrezikuar jetën e ndonjë personi.
Margjoni është larguar më pas me automjetin e tij dhe u ndalua nga postblloku i policisë, ku dhe iu sekuestrua dhe arma e krimit. Mbi të riun rëndon akuza e kanosjes, prishjes së rendit dhe qetësisë publike dhe drejtim mjeti në gjendje të dehur.
