Një tjetër takim mes aleatëve të koalicionit qeverisës, është duke u zhvilluar te Vila 30 në Tiranë. Në takim marrin pjesë dy krerët e koalicionit mazhoritar, Edi Rama dhe Ilir Meta, si dhe disa ministra, Saimir Tahiri, Ylli Manjani, etj., dhe drejtues të grupeve parlamentare, respektive të PS dhe LSI, Gramoz Ruci, Taulant Balla e Petrit Vasili.
Takimi zhvillohet një ditë pas disa votimeve të rëndësishme të Kuvendit, siç ishin ndryshimet kushtetuese, dekriminalizimi, buxheti, apo ligji për qeverisjen vendore.
Pritet që në fokus të takimit të sotëm të jetë implementimi i këtyre ligjeve, si edhe reforma në drejtësi.
Rama, Meta e disa ministra takim te Vila 30
