Kreshnik Spahiu ka mbledhur duart përpara dhe ka gjetur 10 arsye rreth revolucionit që nuk po ndodh në Shqipëri.
Ja cilat janë sipas tij:
1)Shpërthimi i revoltave nuk planifikohet sipas përvjetorëve jubilare. Rebelimi lind spontanisht.
2) Baza e revolucionit është më e gjerë se struktura e një partie.
3) Kryengritjet burojnë nga populli e janë produkt i faktorit të brendshëm dhe jo preferenca apo dëshira ambasadorësh.
4) Palca e revolucionit duhet të jetë kauza mbi të cilën ngrihet fryma për ndryshimin e regjimit.
5) Udhëheqësit apo organizatorët nuk mund të devijojnë objektivin dhe qëllimin si në rastin e demokratëve që e nisin me:
a) dorëheqjen e Edi Ramës,
b) e devijojnë me djegie bunkeri,
c) e ndryshojnë për buxhetin
e) e katandisin me kalamaj repera që kërcenin rap te bahçja e Kuvendit.
6) Revolucionet nuk lindin as nga Sheratoni, as nga Hotel Rogneri, por nga rrugicat dhe çdo cep i vendit.
7) Liderët e revolucionit duhet të rrezikojnë dhe shkrijnë gjithçka për kauzën: profesionin, pasurinë, postin, familjen dhe jetën.
8) Gjysma e deputetëve demokratë nuk duan zgjedhje apo revolucion sepse kanë frikë që nuk do të jenë më deputet në parlamentin e ardhshëm
9) Revolucion me kostume firmato Armani dhe syze Prada nuk mund dhe s’ka për të ndodhur kurrë në asnjë vend të botës.
10) Tragjike dhe komike mbetet ndërpreja e revolucionit sepse organizatorët do ikin me pushime.
