Ish-Kryeministri Berisha deklaroi sonte se zërat për një koalicion me Metën ku ky i fundit do të jetë Kryeministër dhe Berisha-President janë shpikje të Ramës të përsëritura nga cakenjtë e tij në media.
Ne vijim ai tha se kërkojmë qeveri teknike për shkak se nuk shkohet në zgjedhje me Edi Ramën kryeministër.
Lidhur me një aleancë të mundshme të PD dhe LSI pas zgjedhjeve, Berisha nuk u prononcua qartë pro apo kundër saj.
“Nuk jam unë që bëj aleancë apo vendos për to. Nuk marr përsipër asnjë vendim, unë po bëj analizë. Vendimi për aleanca merret pasi të shqyrtohet kjo nga drejtimi i partisë. Unë nuk e di se cfarë bën PD pas zgjedhjeve”, tha Berisha.
Lidhur me zgjedhjen e Presidentit të ardhshëm në vitin 2017, Berisha rikandidimin e Bujar Nishanit. Në një pyetje të gazetares nëse do të votonte Ilir Metën President, Berisha u përgjigj se do të votonte Bujar Nishanin për President.
Pyetje: Do të bëhesh President?
Përgjigje: Unë jam ndarë nga funksionet politike. Lidhur me President vendi ka president të shkëlqyer dhe me integritet të lartë i cili duhet të rizgjidhet prapë.
Nuk kam ambicie për asnjë post. Pasioni im është në Parlament.
Pyetje: Do të jesh deputet në Parlamentin e ardhshëm?
Përgjigje: E kam synim që të jem deputet në parlamentin e ardhshëm, megjithëse e vendos partia.
Pyetje: A do të votoje Ilir Metën President?
Përgjigje: Unë do të votoja Bujar Nishanin për President, tha Berisha kur u pyet nëse Berisha do të votonte Ilir Metën për President.
