Një operacion nga Seksioni Kundër Trafiqeve të Paligjshme të Drejtorisë Vendore të Policsë së Elbasanit, ka shkatërruar një bazë prostitucioni, ndërsa ka arrestuar në flagrancë tutoren dhe ka proceduar penalisht tre prostituta.
Burimet zyrtare të policisë së Elbasanit, bëjnë të ditur se specialistët Kundër Trafiqeve të Paligjshme, në sajë të një hetimi me metoda special të hetimit goditën një rrjet prostitucioni, ku si rezultat, u bë arrestimi në flagrancë Bajame Monçi, 47 vjeçe, banuese në fshatin Shtërmen, Elbasan.
Kjo shtetase, u arrestua nga efektivat e policisë , pasi gjatë muajve Tetor-Dhjetor 2015, në qytetin e Cërrikut dhe të Elbasanit ka shfrytëzuar për prostitucion me klientë të ndryshëm shtetaset, A. O., A. M. dhe M. B. Ndaj këtyre shtetaseve, ka nisur procedimi penal në gjendje të lirë.
Materialet iu kaluan Prokurorisë së Rrethit Gjyqësor Elbasan për veprime të mëtejshme për veprën penale “Shfrytëzimi i prostitucionit” dhe “Prostitucioni kryer në bashkëpunim” parashikuar nga nenet 114, 113, dhe 25 të Kodit Penal.
E arrestuar
Bajame Monçi, 47 vjeçe, banuese në fshatin Shtërmen, Elbasan.
Prostitutat
1. A. O., 48 vjeç, banuese në fshatin Shtërmen Elbasan.
2. A. M., 37 vjeç, banuese në Cërrik.
3. M. B., 43 vjeç, banuese në Cërrik.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
