Arma “Shotgan”, e bllokuar nga policia
Një person i cili dyshohet se do të kryente një krim, është ndaluar nga policia e Dibrës.
Burime zyrtare të drejtorisë Vendore të Policisë së Dibrës, bënë të ditur se nga ana e sektorit për Krimet e Rënda dhe shërbimet e Komisariatit të Policisë Dibër u bë ndalimi i Ledion Kurtdeda 28 vjeç, banues në qytetin e Peshkopisë.
Të njëjta burime saktësojnë se ndalimi i tij u bë pasi, për motive të dobëta duke qenë në konflikt me një grup personash të tjerë (që për arsye hetimi nuk bëjmë me dije të dhëna), ky person ishte përgatitur për të kryer ngjarjen e rëndë kriminale.
Automjeti “Benz” i bllokuar nga policia
Gjatë kontrollit të ushtruar nga efektivët e policisë ju gjet dhe u sekuestrua në cilësinë e provës materiale, një armë gjahu “Shotgan” që e dispononte pa lejen përkatëse, 10 fishek të kalibrit 12 mm, si dhe u bllokua dhe mjeti që po lëvizte tip “Benz” me targa AA 765 LR.
Materialet i kaluan Prokurorisë Rrethit Gjyqësor Dibër për veprën penale “Mbajtje pa leje të armëve luftarake dhe municionit”.
