Dejvis Saliu
Specialistët e Sektorit Kundër Narkotikëve dhe Trafiqeve, në Drejtorinë Vendore të Policisë Elbasan, finalizuan me sukses operacionin e koduar “Pajova”. Si rezultat i këtij operacioni, u bë arrestimi në flagrancë i Dejvis Saliu, 24 vjeç, banues në fshatin Bishqem Peqin.
Ky person u arrestua nga efektivat e policisë, pasi gjatë kontrollit të ushtruar në automjetin e tij tip “Fiat Punto” me targa AA 746 MY, grupi hetimor ka gjetur dhe sekuestruar në cilësinë e provës materiale, 13 kg lëndë narkotike e dyshuar me atë të llojit Cannabis Sattiva.
Materialet iu kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve”parashikuar nga neni 283 i Kodit Penal.
Sekuestruar në cilësinë e provës materiale
Automjeti i bllokuar
Ø 13 kg lëndë narkotike e dyshuar me atë të llojit Cannabis Sattiva.
Ø 650 Euro
Ø 10.000 Lekë (të reja)
Ø Automjeti tip “Fiat Punto” me targa AA 746 MY
