Si i shfrytëzonte si prostituta pronarja e lokalit dy vajza: “Kur të ketë kërkesa do të them”

Një 55-vjeçare në Tiranë shfrytëzonte ambientet e lokalit të saj që t’u siguronte meshkuj dy vajzave të reja që shisnin trupin e tyre në këmbim të parave duke ushtruar prostitucion.
Informacionet e siguruara nga policia të çonin në lokalin e shtetases me inicialet Xh. S., e cila kishte në pronësi në rrugën “Haxhi Hysen Dalliu”, bar “Unik”, ku ndërmjetësonte ushtrimin e prostitucionit nga vajzat me emrat false Xhoi dhe Ana.
Për këtë, janë organizuar disa agjentë të policisë gjyqësore të cilët kanë monitoruar lëvizjet në lokal dhe jashtë tij.

Lëvizjet në lokal
Ajo që kanë parë oficerët kanë qenë lëvizjet e vajzës me emrin Xhoi, e cila hynte e dilte shpesh në lokal duke biseduar herë pas here me klientë të ndryshëm dhe pronaren. Pasditen e asaj dite, një djalë i moshës 30 – 35 vjeçare, veshur me një bluzë e pantallona të zeza, dhe me shapka, është parë të ulet në një nga tavolinat e barit dhe të komunikonte shpesh me pronaren 55-vjeçare.
Pas rreth 30 minutave para lokalit ndalon një taksi nga e cila zbret një vajzë rreth moshës 25 vjeçare dhe futet në lokal ku flet me pronare, e më pas ulet në shoqërinë e djalit me bluzë të zezë.
Ka qenë reja që është çuar e para nga tavolina pas 10 minutash bisedë dhe është drejtuar në godinën përballë, kur ndodhej një hotel. Nga pas e ka ndjekur edhe djali.

Kapja “mat”
Pas 15 minutave që çifti kishte hyrë në hotel, kanë ndërhyrë agjentët së bashku me autopatrullën e Skuadrës Shqiponja.
Pasi kanë pyetur recepsionistin për numrin e dhomës, trokitën dhe hynë, duke i gjetur dy personat të zhveshur.
Në këtë moment, kanë pyetur vajzën se sa lekë kishte marrë nga djali 32-vjeçar. Ajo ka nxjerrë nga çanta një kartëmonedhë 5000 lekë të rinj.

Dëshmia e Xhoit dhe Anës

“Hotelin e kishim paguar vetë…, kur na erdhi policia na zuri në flagancë”

Në polici 32-vjeçari ka pranuar se numrin e telefonit të vajzës e kishte gjetur përmes pronares së lokalit përballë hotelit, pra 55-vjeçares me inicialet Xh. S.
“Kam dëgjuar për lokalin e Xh. se mban femra për prostitucion dhe kam shkuar disa herë më parë për kafe. Dje shkova pasdite dhe pronarja e lokalit më pyeti nëse doja ndonjë femër për seks dhe unë pranova. Xh. më dha numrin e Anës dhe e mora në telefon. Ajo erdhi me taksi dhe u ulëm të pimë diçka. Ramë dakord që të bëjmë seks në këmbim të 5 mijë lekëve (të reja). Shkuam te hoteli përballë dhe pagova edhe 1000 lekë (të reja) për dhomën. Sapo filluam të kryejmë marrëdhënie hyri policia”.
Ndërsa vetë 29-vjeçarja, me emrin e punës Ana, gjatë hetimeve ka deklaruar se kontaktin e parë me lokalin e Xh. e ka pasur një javë më parë ku një shoqja e saj bënte të njëjtën gjë.
“Shoqja më ka ftuar te lokali ‘Unik’ për të gjetur ndonjë mashkull që të shkonte me lekë. Kur shkova te lokali, pronarja më tha se nëse do kishte ndonjë kërkesë, për mua nga meshkuj, do më telefononte.
Madje shoqja më sugjeroi se mund të shkoja te hoteli që ishte përballë lokalit”.
Një ditë më parë se të kapej në flagrancë, e reja kishte kryer seks edhe me një shtetas turk, po në këtë hotel.
“Dje në darkë më mori në telefon një djalë i panjohur dhe më tha se jam porosi e Xh., hajde te lokali. Pasi ramë dakord për pagesën, shkuam te hoteli”, tha e reja, shkruhet në vendimin e gjykatës.

“Panorama”

/DRONI.al/