Rama lojë fjalësh me “E” dhe “B”, Mogherini racionale: Kur ta meritoni do të jeni në BE

Edi Ramës nuk i ka ecur shumë lja e fjalëve se Shqipëria edhe pse ende nuk e ka B-në (Bashkimi) por vetëm E-në (Europian) ka marrë përgjegjësitë e saj dhe se meritojmë të jemi në BE.
“Përshtypja ime modeste është se e meritojmë, meritojmë të hapim negociatat dhe të bëhemi anëtarë”, u shpreh midis të tjerave Rama.
Por Mogherini ka qenë “racionale” në këtë pikë.
“Në një moment të caktuar do ta kemi edhe B-në edhe E-në, në një moment që përputhen”, u shpreh ajo sonte në konferencën e përbashkët për shtyp me kryeministrin shqiptar.
Përfaqësuesja e Lartë e BE-së foli midis të tjerave edhe për reformën në drejtësi duke ritheksuar se, “për shqiptarët është domosdoshmëri dhe nevojë absolute. Mendoj se është e paprecedentë brenda Shqipërisë mbështetja për një reformë të tillë. Politika ka mbështetje të madhe të opinionit publik, ndaj mesazhi im është bëjeni jo vetëm sepse e kërkon Brukseli por sepse e duan qytetarët”, u shpreh ajo.
Kreu i qeverisë shqiptare u shpreh në këtë drejtim se, kjo reformë është detyrim ndaj “fëmijëve tanë dhe gjeneratës tjetër”.
Nga ana e tij Kryeministri i Shqipërisë, Edi Rama sa i takon rolit të vendit tonë në krizën e refugjatëve tha se, kufijtë as nuk do të mbyllen por as nuk do të hapen.