Ambasada japoneze, grant për shkollat e Vaut të Dejës

Foto ilustruese, pamje nga shkolla e fshatit Lybeshe, Polican, rindërtuar nga granti japonez

Ambasada e Japonise per Shqiperine (me seli ne Rome) zhvilloi sot në Tiranë ceremoninë e nënshkrimit për Kontratën e Grantit për Rehabilitimin e Shkollave në Vaun e Dejës.

Ceremonia u zhvillua në Hotel Tirana dhe kontrata u firmos nga kryetari i Bashkisë së Vaut të Dejës, Zef Hila dhe Z. Hiroshi Yamauchi, Zëvendës Shef i Misionit dhe Ministër në Ambasadën e Japonisë në Shqipëri (rezident në Romë).

Zevendes ambasadori japonez dhe kryetari i bashkime pas nënshkrimit te marrëveshjes dje ne hotel Tirana

Projekti është pjesë e Asistencës Grant të Japonisë për Projektin Bazë të Sigurisë Njerëzore dhe parashikon investimin e 68 euro në rehabilitimin e shkollave të zonës.

Që nga viti 1998 Japonia ka kryer 22 projekte të ndryshme Bazënë Shqipëri, ndërmjet tyre 16 janë rehabilitim apo ndërtim i shkollave fillore.Projekti në Vaun e Dejës, me vlerën e 68,220 eurove, konsiston në rehabilitimin e 2 ndërtesavetë vjetra të shkollave, përfshirë rinovimin e plotë të çatisë dhe ulluqeve. Ndërtimi pritet të realizohet brenda një viti. Nëpërmjet këtij projekti më shumë se 900 nxënës të zonës do të përfitojnë nga mjedise më të mirë për mësim.

Ambasada japoneze zhvillon cdo vit një projekt social në zona të ndryshme të vendit. Përmes këtij projekti janë ndërtuar ura, shkolla, rrugë, parqe në disa rrethe.

Ndërkohë qeveria japoneze po investon në një nga projektet më të mëdha urbane në Tiranë që lidhet me rehabilitimin e ujërave të zeza dhe të bardha të kryeqytetit.

Vite më parë miliona dollarë të qeverisë së Tokios u shpenzuan për Agjenci të ndryshme zhvillimi në Shqipëri, vecanërisht asaj të zhvillimit të zonave malore.

/DRONI.al/