EMRAT/ Reforma Zgjedhore, komisioni përzgjedh ekspertët për pesë partitë politike

Komisioni i Reformës Zgjedhore që u mblodh sot për herë të parë, ka përcaktuar edhe ekspertët që do të diskututojnë anën teknike të reformës.
Partia Socialiste dhe Partia Demokratike do të kenë nga dy ekspertë, ndërsa Lëvizja Socialiste për Integrim, Partia Republikane dhe Partia Drejtësi Integrim dhe Unitet, nga një ekspert.
Ekspertët e PD-së janë Ivi Kaso dhe Dorian Gjomarkaj. Ekspertët e PS-së janë Gledian Llatj dhe Elion Smanaj. Ekspert i PR-së do të jetë Arian Madhin, ndërsa PDIU do të ketë ekspert Erion Manhasën. Ndërkohë, eksperti i LSI-së nuk është përcaktuar ende.
Gjatë diskutimeve, deputeti demokrat, Orerd Bylykbashi tha se ekspertët duhet të sjellin në komision, problemet e hasura në 2013-ën dhe 2015-ën. “Kemi detyrim për një reformë që siguron zgjedhje te lira”, u shpreh ai.
Kreu i PR-së, Fatmir Mediau foli për mundësinë e votimit dhe numërimit elektronik të votave.