Policia e Durrësit ka arritur në konkluzionin se helmimi i nxënësve dhe mësuesve në shkollën “Adem Gjeli” në Fushë-Krujë ka ardhur nga tymi i plehrave të djegura afër shkollës.
Duket se policia nuk ka investiguar rreth materialit të djegur që ka rrezikuar jetën e qindra nxënësve.
Në një njoftim për shtyp policia jep rrethanat e helmimit.
“Më datë 11.04.2016, rreth orës 11:50, Stafi Pedagogjik i Shkollës “Adem Gjeli”, Fushë-Krujë, ka nxjerrë jashtë ambjenteve nxënësit pasi është ndier ajër i ndotur, me aromë gazi.
Nga verifikimet e kryera nga Shërbimet e Policisë, Specialistët e Mbrojtjes nga zjarri, Inspektorë të Shëndetit Publik, si dhe punonjës të OSHEE-së, ka rezultuar se ndotja e ajrit ka ardhur si pasojë e djegies së disa mbeturinave jashtë territorit të shkollës”, thuhet në njoftimin e policisë.
