Deputeti socialist Ben Blushi, ka kërkuar sërish sot hapjen e kutive të votimit të referendumit në PS.
Duke ju referuar një denoncim në media, Blushi u shpreh se ky referendum u grabit.
Sipas Blushit ende sot nuk ka një rezultat nga komisioni i zgjedhjeve në PS, por se ka vetëm një rezultat të përgjithshëm të shpallur nga një ministër, dhe nuk ka një rezultat për mbi 380 kutitë e votimit.
Jo vetëm kaq, por sipas Blushit, ata që hynë në grevë urie për hapje kutish pas zgjedhjeve ët përgjithshme të vitit 2009, sot janë shpërndarë nëpër gjithë Shqipërinë ëpr të mbushur kutitë e referendumit.
“Nuk kam ndërmend të bëjë grevë urie dhe nuk do e çojë PS në Gjykatë. Nuk fajësoj PS por Rilindjen”, ironizoi më tej Blushi.
“Prova e djeshme tregoi se referendumi ishte sajesë për të shmangur garën dhe për të më eliminuar si kandidat. Ajo është provë e qartë që ky referendum u grabit.
Kur socialistët grabisin njëri-tjetrin, është me interes, se tregon se ku ka përfunduar partia më e madhe në Shqipëri. Kjo parti në rast se nuk respekton demokracinë e brendshme, nuk jep garanci për më shumë. Keqqeverisja buron nga ato kuti votimi.
Po presim që Komisioni votimit të shpallë rezultatin e votimit. Deri më sot, nuk ka një rezultat të tillë për mbi 380 kuti, por ka një rezultat të përgjithshëm të shpallur nga një ministër. Ata që u futën në grevë urie për hapje kutish, sot po mbushin kutitë”, deklaroi Ben Blushi sot për mediat.
