Shtëpia e Bardhë ka reaguar zyrtarisht sot, për takimin e djeshëm të kryeministrit Edi Rama, me Presidentin amerikan Barack Obama dhe zëvendësin e tij, Joe Biden.
Nga deklarata e Shtëpisë së Bardhë, shihet se në të paktë tre raste ka “përgënjeshtruar” deklaratën zyrtare të Kryeministrisë shqiptare.
Ndërsa deklarata e Kryeministrisë “flet” për “pritje” të kyeministrit Edi Rama në Shtëpinë e Bardhë, nga Presidenti i Shteteve të Bashkuara të Amerikës, Barack Obama dhe Zëvendëspresidenti Joe Biden”, Shtëpia e Bardhë në deklaratën e saj “korrigjon” dhe saktëson se Edi Rama “priti” presidentin Barack Obama…
“Presidenti Obama iu bashkua sot një takimi midis Zëvendës Presidentit Biden dhe Kryeministrit të Shqipërisë Edi Rama”, thuhet zyrtarisht nga Shtëpia e Bardhë.
Deklarata zyrtare e Shtëpisë së Bardhë
“Përgënjeshtrimi” i radhës nga Shtëpia e Bardhë, kishte të bënte me “rolin” që sipas Kryeministrisë shqiptare ka “nën lidershipit (Edi Rama), Shqipëria (e cila) është tani një pikë referimi në Ballkan dhe një nga aktorët më të përgjegjshëm në rajon. Ne vlerësojmë rolin tuaj dhe ju mbështesim plotësisht”.
Në deklaratën e saj, Shtëpia e Bardhë “zëvendëson” togfjalëshin “lidershipi juaj (Edi Rama)” me “rolin kritik të Shqipërisë” në rajon “apo edhe për “udhëheqësinë” e saj (Shqipërisë, jo Edi Ramës) në tolerancën fetare e rolin në koalicionin kundër terrorizmit.
“Presidenti dhe Zëvendës Presidenti shprehën vlerësimin e tyre për rolin kritik të Shqipërisë në çuarjen përpara të sigurisë rajonale dhe rishprehën rëndësinë që ka mbajtja hapur e derës së integrimit euro-atlantik për stabilitetin në Ballkan. Presidenti dhe Zëvendës Presidenti përgëzuan Shqipërinë për udhëheqësinë e saj në promovimin e tolerancës fetare, për kontributet e rëndësishme të Shqipërisë për koalicionin ndërkombëtar kundër ISIL, dhe për hapat domethënës që Shqipëria ka ndërmarrë për t’iu kundërvënë terrorizmit dhe ekstremizmit të dhunshëm. Presidenti, Zëvendës Presidenti dhe Kryeministri po ashtu ranë dakord mbi rëndësinë që ka vazhdimi i reformave për të çuar përpara integrimin europian të Shqipërisë”, citohet deklarata e Shtëpisë së Bardhë.
Deklarata Zyrtare e Kryeministrisë shqiptare
Në mënyrë “indirekte”, deklarata e Shtëpisë së Bardhë, “korrigjon” për herë të tretë dhe bën të ditur se në takim, ka qenë prezenti edhe zëvendëspresidenti amerikan Joe Biden.
Gjashtë fjali përmban gjithsej kjo deklaratë dhe të gjashta fjalitë fillojnë me togfjalëshin “Presidenti dhe Zëvendëspresidenti”…
Ndërsa Kryeministria në deklaratën e saj, ishte “kujdesur” që të servirte një bisedë vetëm Obama – Rama…
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
