Heqja dorë nga “tradita” e publikimit me video, me zë e me figurë, e çdo arrestimi të rëndomtë nga ana e policisë, është denoncuar nga ish-kryeministri Sali Berisha. Duke risjellë shembuj publikimesh nga ana e policisë, së videove të ndalimit të personave të ndryshëm, Berisha bën të ditur se një gjë e tillë nuk po ndodh për rastin e Emiliano Shullazin, për të cilin, edhe 72 orë pas ndalimit, ende nuk ka ndonjë foto apo video të tij.
“Për Edvin Shullazin, arrestimi i diktuar i nënkryetarit të tij për problemet e sigurisë, nuk është as arritje dhe as sukses, por humbja tejet e rëndë e një qendre të çmuar të pushtetit, që paktet nuk i bën me qytetarët por me kriminelët! “, bën të ditur midis të tjerave ish-kryeministri Sali Berisha.
Postimi i plotë i Sali Berishës në “Facebook”
Shullazin s’ka kush ta fotografojë!
Të dashur miq, kohet e fundit është bërë praktikë pune që çdo aksion policor, person i ndaluar apo i arrestuar publikohet me figurë dhe video në lentet mediatike të Saje qorrit që nuk i përmend dot emrin Milit dhe Edvin Shullazit, që ishte bërë sot vrer e sterrë i zi nga tronditja.
Zellit mediatik për te treguar punën e palodhur të Tahirit nuk i kanë shpëtuar as shkelësit e rregullave të qarkullimit rrugor.
Ata, përveç gjobës u është dashur të shohin veten në media si ornament të fasadës të luftës ndaj krimit.
Por sot kanë kaluar 72 orë dhe nga zyrat mediatike të Saje dhe Edvin Shullazit nuk ka dalë qoftë dhe një foto apo video e vetme e ndalimit të vrasësit dhe gjobëvënësit, simbolit të fuqisë kriminale të partisë siçiliste.
Për Edvin Shullazin, arrestimi i diktuar i nënkryetarit të tij për problemet e sigurisë, nuk është as arritje dhe as sukses, por humbja tejet e rëndë e një qendre të çmuar të pushtetit, që paktet nuk i bën me qytetarët por me kriminelët!
