Suela, gruaja nga Shkodra që u gjet e mbytur në tualetin e mobilerisë nga i shoqi kishte shkruar një letër ku rrëfente vuajtjet e kaluara.
Letra u publikua sot në seancën gjyqësore nga prokuroria ku të shoqit, Sadedin Sula iu dha masa e sigurisë “arrest me burg”.
“Kam kaluar momente që nuk mendoja se do t’i kaloja. Kam takuar persona që nuk mendoja t’i takoja. Jam e zhgënjyer!”.
Letra është gjetur në tualet ku edhe ajo dha shpirt.
Por Sadedini mohoi që ajo letër të ishte shkruajtur nga Suela.
“Letra nuk është shkruar nga ajo. Nuk është kaligrafia e saj. Kur dola në mëngjes më tha jam e mërzitur, kam një shtrëngim në kraharor. Kur shkova në mobileri nuk e gjeta. Hyra në banjo dhe e gjeta të lidhur me litar. Shenjat e gishtave në fyt janë pasi i mata pulsin.”, pohoi ai.
Gjatë procesit gjyqësor që u zhvillua sot në gjykatën e Shkodrës, i shoqi i Suelës
ka mohuar se është autori i vrasjes së Suela Sulit, madje para trupit gjykues tha se është i gatshëm të ndihmojë shtetin financiarisht për zbardhjen e ngjarjes.
“Unë nuk e pranoj akuzën për vrasjen e gruas sime. Jam i gatshëm të investoj dhe të ndihmoj shtetin për të zbardhur këtë çështje”, ka thënë Suli në gjykatë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
